Arctic Frontiers Open: Ollu duohtavuohta – naba seanadeapmi? Suohkana ovddasfástádus
Bures boahtin ráđđeviesu boađáldatlatnjii iđitboradančoahkkimii. Lágideapmi lea nuvttá ja rabas buohkaide. Lágiduvvo dárogillii.
- Les denne artikkelen på norsk: Arctic Frontiers Open: Mye sannhet, hva med forsoning? Tromsø kommunes rolle
Duohtavuođa- ja seanadankommišuvdna lea guorahallan ovddeš dáruiduhttinpolitihka sápmelaččaid, kvenaid ja norggabealsuopmelaččaid vuostá. Kommišuvdna ovdanbuvttii raportta Stuorradiggái geassemánu 1. beaivve diibmá.
Dáruiduhttin ja seanadeapmi leat ságastallojuvvon máŋgga iešguđet konferánssas ja semináras.
- Loga olles raportta dás: Rapport til Stortinget fra Sannhets- og forsoningskommisjonen – Stortinget.no (Fuom: Dušše čoahkkáigeassu lea jorgaluvvon sámegielaide ja kvenagillii. Váldosisdoallu lea dušše dárogillii.)
Romssa suohkan dadjo leat okta Norgga stuorámus sáme- ja kveanasuohkaniin. Dasto lea suohkanis guovdilis ja dehálaš ovddasfástádus áššiiguin maidda raporta čujuha.
Makkár ovddasfástádus lea gávpotsuohkanis go lea sáhka seanadeamis? Mo sáhttá Romssa suohkan ofelastit eará suohkaniid?
Ságastallit:
- Gunnar Wilhelmsen, Romssa suohkana sátnejođiheaddji
- Silje Karine Muotka, Sámedikki presideanta
- Elle Nystad, NSR Nuoraid jođiheaddji
- Bernt Isaksen, Romssa kveanasearvvi jođiheaddji
- Astrid Maria Cabrera, Norce-duŧki
Ságastallanjođiheaddji lea Asbjørn Bartnes, suohkana gulahallanossodaga jođiheaddji.
Prográmma:
- 08:00: Iđitborramuš guossohuvvo
- 08:15: Ságastallan álgá
Ságastallan lea dárogillii.
Guldaleaddjit besset jearrat gažaldagaid ja ovdanbuktit oaivileaset.
Bures boahtin! / Velkommen!
